wildyaks
Wildyaks
>
རི་བོང་གིས་ཝ་མོར་བསླབ་བྱ་སྤྲད་པ།
རི་བོང་གིས་ཝ་མོར་བསླབ་བྱ་སྤྲད་པ།
03/07/2017 08:49
རི་བོང་གིས་ཝ་མོར་བསླབ་བྱ་སྤྲད་པ།
སྔོན་ཆད་ཝ་མོ་ཞིག་ཡོད་པ་དེ་ཝ་མོ་དེ་མ་རབས་ཤིག་ཡིན། མོས་དུས་རྒྱུན་དུ་སེམས་ཅན་ཆུང་ཆུང་རྣམས་ལ་ཐུབ་ཚོད་བྱེད་བཞིན་ཡོད།
ཝ་མོའི་སྤྱོད་པ་དེ་རི་བོང་གི་བློ་ལ་མ་བབས་པར། མོ་ལ་བསླབ་བྱ་ཞིག་སྤྲོད་དགོས་བསམ་སྟེ་སྤྲེའུ་ལ། ཡ་གཅུང་པོ་སྤྲེའུ། ངས་ཝ་མོ་ལ་བསླབ་བྱ་ཞིག་སྤྲད་འདོད་པས། ང་ལ་རོགས་པ་ཞིག་བྱེད་རོགས་ཞེས་བཤད།
སྤྲེའུ་ན་རེ། ཨ་ཞང་རི་བོང་། དེའི་ཐད་ནས་ངས་ཁྱེད་ལ་རོགས་བྱེད་མི་ཐུབ་པས་དགོངས་པ་མ་ཚོམས་ཞེས་ལན་འདེབས་ཞོར་སྡོང་རྩེ་རུ་འཛེགས།
དེ་ནས་རི་བོང་བྲག་རྡོ་ཞིག་གི་སྟེང་ལ་བསྡད་དེ། ཅི་ཞིག་བྱེད་དགོས་བསམ་སྟེ་ཡོད་དུས། མདུན་ཕྱོགས་ཀྱི་སྤང་ཁུག་ཏུ་རྟ་རྒན་ཞིག་ཉལ་ནས་བསྡད་ཡོད་པ་མཐོང་བ་དང་་ཁོ་ཝ་མོ་འཚོལ་དུ་ཕྱིན།
རི་བོང་ཝ་མོའི་གམ་དུ་སོང་སྟེ། ཨ་ཅེ་ཝ་མོ། ང་ལ་གཏམ་བཟང་ཞིག་བཤད་རྒྱུ་ཡོད་ཅེས་བཤད། ཝ་མོས་ཅི་ཞིག་རེད་ཅེས་དྲིས། རི་བོང་གིས་ཁ་ལག་པས་བཀབ་སྟེ་ཝ་མོའི་རྣ་རྩར་ཤུབ་ཤུབ་ཏུ་རྟ་ཞིག་སྤང་ཁུག་ན་གཉིད་བསྡད་འདུག དེའི་འཕོངས་ཤ་དེ་ངོ་མ་ཞིམ་པོ་ཡོད་པ་འདྲ་ཞེས་བཤད།
ཝ་མོས། རི་བོང་ལ། ཨ་ཞང་། ཇི་ལྟར་བྱས་ན་ངས་རྟའི་འཕོངས་ཤ་དེ་ཟ་ཐུབ་ཅེས་དྲིས། རི་བོང་གིས་དང་པོ་ཁྱེད་ཀྱི་རྔ་མ་དང་རྟའི་རྔ་མ་གཉིས་མཉམ་དུ་མདུད་དགོས། དེ་ནས་ཁྱེད་ཀྱིས་རྟའི་འཕོངས་ཤ་གང་འདོད་དུ་ཟོས་ན་ཆོག་ཅེས་བཤད།
ཝ་མོ་དགའ་ཞོར་རི་བོང་ལ། བཀའ་དྲིན་ཆེ་ཞུས་པ་དང་། དང་པོ་རང་གི་རྔ་མ་དེ་རྟའི་རྔ་མ་ལ་དམ་པོར་མདུད། དེ་ནས་རྟའི་འཕོངས་ཤ་ལ་སོ་བཏབ། རྟ་གློ་བུར་དུ་ཡར་ལངས་ཏེ་ཝ་མོ་དྲུད་ནས་གང་སར་བརྒྱུགས།
སྤྲེའུ་དེས་སྡོང་མགོ་ནས་རྟས་ཝ་མོ་དྲུད་ནས་རྒྱུགས་ཀྱིན་པ་མཐོང་དུས། ལག་པ་གཉིས་ཀྱིས་ཐལ་མོ་རྡེབ་ཞོར་དུ་གད་མོ་དགོད་སྐབས།སྤྲེའུ་སྡོང་མགོ་ནས་མར་ལྷུང་སྟེ་འཕོངས་ཤ་དམར་པོ་བཟོས། རི་བོང་གིས་དེ་མཐོང་ནས་གད་མོ་བགད་དེ་ཡ་ཁ་ཤོ།
དེ་ནས་བཟུང་ཝ་མོའི་སྤུ་རྩེ་ནག་པོ་རུ་གྱུར་བ་དང་རྟ་སྐྱིད་པོ་བྱས་ནས་ཉལ་མ་ཕོད། སྤྲེའུའི་འཕོངས་ཤ་དམར་པོར་གྱུར་བ་དང་རི་བོང་གི་ཁ་ཤོ་སོང་བ་རེད།
Back
Menu
གློག་ཀླད་ལས་འཆར། Computer Project
བྱིས་སྐྱོང་བསླབ་བྱ།
སྐད་ཡིག་བསླབ་བྱ། Quotes
བསླབ་བྱ་གྲགས་ཆེན། Famous Quotes
ང་ཚོའི་སྐོར། About us
བྱིས་སྐྱོང་སློབ་གསོའི་མན་ངག་གཅེས་བཏུས།
བྱིས་པའི་གླུ་གཞས། Children's songs
བྱིས་པའི་བརྙན་འཕྲིན། Videos
ཐ་སྙད་གསར་བ།new vocabulary
བོད་ཡིག་སྦྱོང་ས། Learning Tibetan
སྒྲ་ལྡན་བྱིས་སྒྲུང་། Stories on MP3
འདྲ་པར། Event Photos
ཚོང་ཁང་། Shopping
ལོ་རེའི་སྙན་ཐོ། Annual report
བྱ་འགུལ། Events
སྣ་ཚོགས། Variety
གཡག་རྒོད་དང་འབྲེལ་བའི་གསར་འགྱྱར། Wildyaks in the news
Search site
Search site
Contact
Administrator
416-453-9887
admin@wildyaks.com
Homepage
Site map
RSS
Print