བཟའ་ཚང་བར་བརྩི་བཀུར་ཡོད་ན་ཁྱིམ་ཚང་སྐྱོང་བར་དཀའ་ཁག་མེད།
རང་གིས་གཞན་མ་བཀུར་ན། གཞན་གྱིས་རང་མི་བཀུར་ཞེས་པ་ལྟར། གཞན་ལ་གུས་བརྩི་བྱེད་པ་དེ་གཙོ་བོ་ནང་སེམས་ལ་བརྟེན་ནས་ཡོང་དགོས་པ་མ་ཟད། ལུས་ཀྱི་རྣམ་འགྱུར་དང་སྐད་ཀྱི་གདེངས། མིང་ཚིག་བཀོལ་སྤྱོད་བྱེད་སྟངས་སོགས་ཀྱི་ཐད་ནས་ཀྱང་མངོན་པ་ཞིག་རེད། དེ་ནི་རང་བདེ་གཞན་སྐྱིད་ཡོང་བ་དང་། སྤྱི་ཚོགས་དང་ཚོགས་སྡེ། ཁྱིམ་ཚང་སོགས་ཀྱི་ནང་དུ་འཆམ་མཐུན་དང་མཉམ་གནས་ཡོང་བའི་མཐུན་རྐྱེན་ཞིག་ཡིན། བླ་མ་དང་སློབ་མ། དགེ་རྒན་དང་དགེ་ཕྲུག ཕ་མ་དང་བུ་ཕྲུག་གི་བར་དུའང་བརྩི་བཀུར་ནི་ཆེས་མེད་ཐབས་མེད་པ་ཞིག་ཡིན་ཞིང་། སྤྱི་ཚོགས་ཀྱི་དབུས་མཐའ་ཚང་མ་ན་གནས་པའི་མི་མང་ཚང་མ་མཐུན་སྒྲིལ་གོང་བུ་གཅིག་གྱུར་ཡོང་བའི་ཆ་རྐྱེན་ཞིག་ཡིན། བརྩི་བཀུར་ནི་མོག་མོག་ནང་གི་རྒྱོང་ཤ་ལྟ་བུ་དང་ཟ་མའི་ནང་གི་ཚྭ་ལྟ་བུ་ཡིན་པར་སྙམ། གཞན་ལ་བརྩི་བཀུར་བྱེད་པའི་གོམས་གཤིས་ཡོད་པའི་མི་ཞིག་ཡིན་ན། གཞན་གྱི་འགྲོ་འདུག་སྤྱོད་གསུམ་ལ་སྟངས་འཛིན་མི་བྱེད་པར་གཞན་གྱི་རང་དབང་དང་ཐོབ་ཐང་ལ་བརྩི་བཀུར་བྱེད་པ་ཡིན།གཞན་གྱི་དད་མོས་དང་བསམ་ཚུལ། དགའ་ཕྱོགས་སོགས་ལ་གུས་བརྩི་བྱེད་པ་ལས་འགོག་རྐྱེན་མི་བཟོ། གཙོ་བོ་མི་སུ་ཞིག་ལ་འགྲོགས་ཀྱང་བསམ་པ་རྣམ་དག་གིས་བསམ་ཤེས་དང་བསྟུན་ཤེས་བྱེད་པ་ཡིན་པས། གཤམ་དུ་གཞན་ལ་གུས་བརྩི་བྱེད་ཚུལ་དང་དེའི་དགོས་པ་སོགས་ཀྱི་སྐོར་ནས་ཅུང་ཟད་གླེང་བར་བྱ།
Topic: བཟའ་ཚང་བར་བརྩི་བཀུར་ཡོད་ན་ཁྱིམ་ཚང་སྐྱོང་བར་དཀའ་ཁག་མེད།
No comments found.